Karteldegi osatua eta osoa urriko azken asteburu honetan. Bertan, gure prestakuntza-egiturako talde guztiek euren partidak jokatuko dituzte, hazten jarraitzea ahalbidetuko diguten garaipenak lortzeko helburuarekin. Partida beti berezia eta erakargarria Zubietan kadete mailako bigarren taldearentzat eta alebineko gaztetxoentzat bigarren topaketa izanen delarik.
GAZTEEN LIGA NAZIONALA
Liderren aurkako partida zailean punturik lortu ezin izan ondoren, bigarren taldea aurrera begira dago eta Gazpioren mutilak Unbera joango da puntuak behar dituen talde armagina bisitatzera. Denboraldiko bigarren garaipena lortu nahi dugu sailkapen-taulan jauzi interesgarri bat emateko, lana ona izaten ari delako eta jokalariek sari hori merezi dutelako dudarik gabe. Hala ere, aurkaria azken postuan dago sailkapenean eta lehenbailehen postu horretatik ihes egin nahiko du. Filialen arteko lehia Unben, ligako zortzigarren jardunaldian garaipena lortzen saiatzeko. Goazen horretara.
Partida igandean 12: 30ean Unbeko instalazioetan (beheko zelaia).
GAZTEEN EUSKAL LIGA
Iñigo Clavelen hirugarren taldeak Romo F.C. izango du aurkari larunbatean arratsaldeko lehen orduan jokatuko den partidan. Hainbat lesio eta sendatze-prozesu direla-eta parte hartze urria izan duten jokalariak berreskuratzen ari da taldea. Jokalarien prestasuna garrantzitsua izango da denboraldiko bigarren laurdenari aurre egiteko eta sailkapeneko goiko postuetan jarraitzeko aukera emango digun puntuazio-erritmoa handitu ahal izateko. Talde getxotarra etorriko zaigu bisitan, taulako azken-aurrena doana eta hirunaka batzen hasi behar dena. Partida ona eta puntu garrantzitsuak jokoan.
Partida larunbatean 15: 30ean Berioko instalazioetan.
KADETEEN EUSKAL LIGA
Kadeteen Euskal Ligako taldeak Gasteizera eginen du bidaia igande honetan bertan. Sailkapeneko bigarren postuan doa denboraldiko lehen laurden benetan paregabe batean. Orain dela gutxi berritutako Ametsa futbol zelaia bisitatuko dugu, non inoiz ez den erraza jokoan dauden puntuak ateratzea. Selekzio autonomikoengatik dugun geldialdia egin aurretik, geureek hiru puntuak lortu nahi dituzte sailkapenaren gorenean jarraitzeko. Irteera zaila, estu hartuko gaituen eta bere jokalekuan amore gutxitan eman ohi duen aurkariaren aurka, Abetxuko A.D.C. Prest gaude.
Partida igandean 12: 30ean Ametsa futbol zelaian (Vitoria-Gasteiz).
OHOREZKO KADETEA
Zubietan dugu partida larunbata honetan eta bertara Pablo-k zuzentzuen duen taldea gogo biziz joanen da hiru puntuak ekartzeko asmoz. Partida berezia dela argi eta garbi dago eta oso erakargarria izan ohi da bai jokalarientzat eta baita zaletu, familiarteko edota klubeko kideentzat ere. Gainera Erreala multzoko lehen sailkatua da eta horrek ere gatza eta piperra ematen dio norgehiagokari. Geure taldeak hasiera honetan zortzi puntu ditu eta pixkanaka pixakana gora egin nahi du. Aukera ezinhobea bolada on hau non eta Zubietan hasteko beraz larunbata arratsean. Baditugu aukerak bertan garaipena lortzeko, ez dugu dudarik.
Partida larunbatean 19:30 tan Zubietako Kirol Instalazioetan.
INFANTIL HANDIA
La Salleko futbol zelaira abiatuko dira larunbatean Txakarren mutilak. Aurrean merezimendu osoz multzoko liderra den Igeltegi F.C. izanen dugu espero dugun partida ez erraz batean. Talde horiak jokatutako partida guztiak irabazi ditu eta ondorioz dagoeneko sailkatuak dira txapeldunen faserako, bitartean geureek garaipena behar dutelarik. Partida zirraragarria eta oso lehiatua espero dugu dudarik gabe eta ziur geureek hiru puntuak bilatuko dituztela hasiera hasieratik. Zorte on, mutilak.
Partida larunbatean 12:30 tan La Salle ikastetxeko futbol zelaian.
INFANTIL TXIKIA
Larunbateko eguerdiko ordutegi nagusiena Uritz-en mutilentzat asteburu honetan Intxaurrondoko Internacional C.D.ren aurkako partidan izanen dutena. Liderrak gara geure multzoan eta hobekuntza nabaria dela ziurra. Pixkanaka bagoaz hazten eta asteburu honetan beste hiru puntu gehitu nahi genituzke datorren asteetakoa konfiantzaz hartzeko helburuarekin. Benetan emankorra izaten ari da denboraldiaren zati hau, aupa zuek.
Partida larunbatean 12:10 tan Berioko instalazioetan.
ALEBINA
Alebinak bere bigarren topaketa du asteburu honetan eta Zarautz-en jokatuko du hau etxeko taldearen aurka igande eguerdian bertan. Astez aste eta buru belarri dihardute lanean geure jokalariak eta topaketetan maila handiko jokoa eskaini nahi dutela jakin badakigu. Beraz eta helburu hori ideia nagusitzat hartuta gogo biziz ditugu dagoeneko beste partida bat jokatzeko. Zuen ilusioa gure egiten dugu, gozatu ezazue beraz.
Partida igandean 14:00 tan Asti-Txiki futbol zelaian (Zarautz).
