Goazen garaipenaren bila!
Behin Errege Kopako ibilbidea amaituta, arreta ligan jarri behar da eta jardunaldi berri honi ekin, hemezortzigarrena, Gazte Berriak C.D.ren aurka Antsoainen, igandean 12:30etan.
Urte hasiera bikaina eta bigarren itzulia burutu ondoren, bi partidutan bi garaipen lortuta, Antiguoko taularen goiko aldean dago 37 punturekin, hirugarren postuan kokatuta. Zalantzarik gabe, txapelketako bigarren itzuliaren jarraipenari baikortasun handiz aurre egitera gonbidatzen gaituen dinamika.
Bestalde, Gazte Berriak sailkapeneko 12. postuan dago 14 punturekin eta oraindik ez du garaipena lortu aurten. Baina, zalantzarik gabe, partida zaila izango da, lehiatzeko gaitasun handiko taldea baita. Horren erakusle, Berion bizi izan genuen joanekoan, irailaren 17an, emaitza berdinketan geratu baitzen (1-1).
Iñigo Mendiaren taldea da, Athleticekin eta Realarekin batera, aurten ligako bi partidak irabazi dituen talde bakarra.
