Gaur arratsaldean Madrileko Las Rozas Futbol Hirian RFEFk egindako zozketaren ondoren, non klubaren ordezkari izan diren agintariek bertatik bertara, Gazteen Errege Kopako final-zortzirenetarako aurkaria dugu jada, zeina partida bakarrera jokatuko den urtarrilaren 25ean.
Hala nahi izan dute loteria-ontziak eta zoriak, aurkaria Xixongo Sporting izatea eta partida Berion jokatzea. Talde oso on baten aurka partida bikaina bizitzeko aukera paregabea da noski, eta ziur kanporaketak ilusioz eta gogo biziz bete dituela geure Gazte Mailako Ohorezko Talde Nazionaleko kideak. Halaber, patuak nahi izan du bi klubek berriro ere elkar ikustea Kopako edizio honetan, izan ere, 2015-16ko edizioan eta 2004-2005ean ere izan genuen kanporaketa hau bizitzeko aukera.
- TXAPELKETA: GAZTEEN ERREGE KOPA 2022/2023
- FASEA: FINAL-ZORTZIRENAK, PARTIDA BAKARRA
- PARTIDA: ANTIGUOKO K.E. – XIXONGO SPORTING SAD
- ZELAIA: BERIO FUTBOL INSTALAKUNTZAK
- DATA: URTARRILAREN 25ean, ASTEAZKENA
Fasea final-zortzirenetakoa da, eta gogora dezagun lehiaketa-sistemari dagokion araudiak jasotzen duela kanporaketa honetako irabazleak beste behin ere partida bakarrera jokatu beharko duela final-laurdenetako fasean finalaurrekoetarako txartela. Kasu honetan bai, final fourreko formatuan izango litzateke, RFEFek zehaztutako egoitza bakarrean.
Indar eta konbentzimendu osoaz, segi dezagun ametsetan.
