Urteko lehen partidek balantze gazi-gozoa utzi dute: 2 garaipen, berdinketa 1 eta 2 porrot. Jarraian, topaketa bakoitzak emandakoa ikusiko dugu:
Intxaurdi 0-2 Gorengo Erregionala
Bigarren taldeak garaipen garrantzitsu batekin ekin zion urteari Intxaurdiren aurka. Lehen zatian zehar, neskek jokoa kontrolatu zuten eta 15. minutuan aurrea hartzea lortu zuten Uxue A.ri esker. Honek jokaldi bikaina burutu zuen ezker hegaletik Ane Imazen laguntzarekin. Markagailua handitzeko aukerak izan arren, 0-1ekoarekin iritsi ziren atsedenaldira. Bigarren zatian, aurkariak hobera egin zuen, baina abagunerik zehaztu gabe. Azkenik, 85. minutuan kontraeraso batek 0-2koarekin itxi zuen partida.
Ohorezko Kadetea 0-5 Reala
Ohorezko Kadeteak Reala bezalako aurkari zorrotz baten aurka jokatu zuen. Hasiera oparoa izan arren, defentsa-ordenarekin eta ia gureak aurretik jartzen dituen langa batekin, baloi irteeran egindako akats batek 32. minutuan aurrea hartzeko aukera eman zion Realari. Atsedenaldira iritsi aurretik, geldikako gol batek abantaila handitu zuen (0-2). Bigarren zatian, ahalegina eta gogoa ez ziren nahikoa izan aurkariaren hiru gol gehiago saihesteko, markagailua 0-5 mingarri batean utziz. Emaitza gorabehera, taldeak datorren asteko derbiari begira jarraitzen du.
Arrupe Chaminade 0-+5 Kadete Lehena
Gurruren Kadete Lehena 2025ean indarrez hasi zen, Arrupe Chaminaderi nagusitasunez gailenduz. Gureak nagusi izan ziren hasieratik, eta 0-3 utzi zuten markagailua atsedenaldian, nahiz eta gehiago izan zitekeen. Bigarren zatian, erasoko jokaldiak nabarmendu ziren eta, beraz, gol gehiago sartu ahal izan zituzten. Urte hasiera bikaina Gurru eta Oscarren taldarentzat, txapeldunen faseari konfiantzaz aurre egingo diotelarik.
Infantila F11 1-1 Eibar
Maialenen taldeak partida bizia jokatu zuen Eibarren aurka. Gure taldeak baloirik gabeko jokoan nagusi izan ziren lehen zatian, bisitariak neutralizatuz, baina markagailua mugitu gabe, nahiz eta hainbat aukera izan. Bigarren zatian, jokoa dinamikoagoa bihurtu zen, eta Nahiak aurrea hartu zion taldeari 72. minutuan. Hala ere, 78. minutuan armaginek faltaz sartutako gol batek behin betiko berdinketa utzi zuen (1-1). Emaitza gorabehera, taldeak bilakaera eta lehiakortasun handia erakutsi zituen. Hurrengo erronka: Hernani, larunbata 10:00etan.
Infantil F8 4-6 Añorga
Infantil F8ko partida gol jaialdia izan zen Lasallen. Talde urdina aurretik jarri zen hasiera bikain baten ondoren, baina defentsan egindako hainbat akatsek Añorgari gora egiteko aukera eman zioten. Lehen zatia 3-3 amaitu zen, Carla Garciak zelai erditik sartutako golarekin. Bigarren zatian, hasieran egindako bi akatsek markagailua zaildu zuten (3-5), baina taldeak aldea 4-5era murrizteko borrokatu zuen. Hirugarren zatian, presioa eta huts egindako aukerak gorabehera, gol olinpiko batek 4-6koa zigilatu zuen. Hazten jarraitzeko ikaskuntzen partida.
