ERREGIONALEN OHOREZKO MAILA
Lehenengo taldeak aurreko asteburuan lortutako garaipenari jarraipena eman nahi dio, maila honetan dagoen zelai zailenetariko batean. Zelaiaz gain, aurkaria ere benetan exijentzia askokoa izan ohi da, oso lehiakorra eta maila bikainekoa, sailkapenak ongi erakusten duen bezala. CD Hernani bigarren sailkatua izango dugu parez pare eta benetan interesgarria dator lehia, ondotxo dakigunez geure taldea momentu on batean baitator. Joanekoan eta urteko lehen partida izan zenean, 2-1ko emaitzarekin hiru puntuak Berion geratzea lortu genuen. Ea bada oraingoan handik ekartzeko gai garen.
Partida larunbatean 18:30 tan Hernaniko Zubipe futbol zelaian.
GORENGOEN MAILA
Denboraldi on honetako azken partida jokatuko dugu geure bigarren taldeak larunbata honetan. Gainera partida erakargarria izanen dute multzoaren lidertzan amaituko duten CD Elgoibar taldearen aurka jokatuko dena. Oso talde gaztea izanagatik, taldeak maila txukuna eman du eta gogora dezagun lehen fase borobila egin eta gero, igoera fasea jokatzeko aukera izan dugula eta hori meritu handiko saria izan dela geure jokalarientzat. Urte benetan paregabea, ikaskuntza eta hazkuntza garrantzitsuz beterikoa. Eman dagokion amaiera, bada.
Partida larunbatean 17:30 tan Berio futbol zelaian.
KADETEEN OHOREZKO MAILA
Geure txapeldunak amaiera emanen diote dudarik gabe historikoa izan den denboraldi bati eta erronka partidarik galdu barik amaitzea izanen dute. Balentria handia izango litzateke baina helburu hori dute begiz jota geure neskek eta horretan saiatuko dira larunbatean Oiartzun KE taldearen aurka jokatuko duten norgehiagokan. Beraz eta bikaina izango litzateke azken erronka hau bete eta hilabete luzez egindako lanari borobiltze eder hau emateko aukera izatea. Geure miresmena eta harrotasuna zuentzat, ekipo.
Partida larunbatean 10:40 tan Berio futbol zelaian.
INFANTILEN OHOREZKO MAILA
Udaberri txapelketa ere amaierara iritsi da dagoeneko eta infantil taldeak denboraldiko azken norgehiagoka jokatuko du Berion. Esperientzia ederra aurtengoa, bai lehen fasean, baita txapeldunen artekoa eta azken hau ere biziki polita eta probetsugarria izaten ari da. Beraz goza dezagun azken partidaz eta irrifar handi batekin amaitu ditzagun aurtengo lanak. Azken partida honetako aurkaria CD Mariño izanen da eta partida igandez jokatuko da.
Partida igandean 10:30 tan Berio futbol zelaian.
