URTEKO AZKEN PARTIDAK
OHOREZKO ERREGIONAL MAILA
Ohorezko Erregional mailako taldeak berdinketa eskuratu zuen azken jardunaldiko partidan eta beraz, ezin izan zuen aspalditik gogor egiten zaion garaipena eskuratu. Hamabi puntu ditugu poltsikoratuta, behar bada merezi izan duguna baina pittin bat gutxiago direla esango genuke eta beraz helburua hirurak eskuratzea izango da beste behin ere. Horretarako Oñatira eginen dute bidaia geure neskek, Azkoagain futbol zelaira Leintz – Arizmendi KE talde bailarraren aurkakoa jokatzeko asmoz. Oraingoan hiru puntuak ekarriko dituzte, ziur.
Partida larunbatean 11:30 tan Azkoagain futbol zelaian.
GORENGOEN MAILA
Bigarren taldeak bere ibilbide bikainarekin jarraitu nahi du oporrak hartu baino lehen. A zer nolako denboraldia egiten ari garena eta data hauetan eta berriro ere taldea zoriontzea tokatzen dela uste dugu, egunerokotasunagatik eta lehian ematen ari diren maila oso altuagatik. Oraingoan Dunboa -Eguzki klub irundarraren bigarren taldea izango da Beriora bisita egingo duena. Hauek azkeneko sailkatua izanagatik, baliteke partida erraza ez izatea. Beraz, orainartekoari eutsi behar diogu eta ziur dena ongi joango dela larunbatean. Garaipena eta ondorengo atsedena.
Partida larunbatean 17:30 tan Berioko futbol zelaian.
OHOREZKO KADETEA
Txapelketa fase zirraragarri honetako bigarren partida jokatuko dute geure neskek Zumaiako Aita Mari futbol zelaian datorren igandean. Talde gorriak lehen partidan 2-0 galdu zuen Añorgan eta lehen garaipena eskuratu nahirik aterako dira berdegunera. Geureek Euskadiko Selekzioko deialdia zela eta ez zuten jokatu lehen jardunaldia eta beraz, gogotsu daude fase honetan garaipenarekin estreinatzeko. Zumaiarrak beti izan ohi dira gogorrak eta ondotxo dakigu denboraldiko bigarren zati honetan, estu hartuko gaituztela arerio guztiek. Animo bada neskak eta aurrera.
Partida igandean 16:00 tan Zumaiako Aita Mari futbol zelaian.
OHOREZKO INFANTILA
Ohorezko Infantilak ere berriro martxan dira aurreko asteko jardunaldia atzeratu ostean. Laugarren jardunaldia jokoan izanagatik, geureentzako hirugarren partida izango da igandean La Sallen jokatuko dutena eta gainera, aurretik ezagutzen dugun arerio baten aurka, hots, Oiartzun KE. Oiartzuarrak puntu bakarrarekin datoz eta ez da erraza izango ez haien aurka gailentzea. Neskak prest dira beraz oporren aurreko azken jardunaldian hiru puntuak eskuratu eta merezitako atsedena hartzeko. Segi horretan, neskak.
Partida igandean 12:30 tan La Salleko futbol zelaiean.
