HURRENGO FASEA INFANTILENTZAT
OHOREZKO MAILA
Zubietan ez zuten batere partida erraza izan eta beraz garaipena eskuratu nahi dute berriro ere geure lehen taldeko jokalariak. Horretarako ez dago etxera bueltatzera bezalakorik eta oraingoan aurrean izango dugun taldea Zumaiako izango da. Zumaiarrak talde polita dute oso eta sailkapeneko laugarren postuan kokaturik etorriko dira Beriora. Geureak hamargarren lekua dute sailkapenean eta bertan 11 puntu ditugu boltsikoratuak. Beraz, beheko postuetara begiratu beharrean pixkanaka goikoetara begiratzeko aukera ona dute. Aupa Neskak.
Partida larunbatean, arratseko 17:20 tan Berion.
GORENGOEN MAILA
Igandeko azken orduan Intxaurdi KE ren aurkakoan nagusitu ondoren, geure bigarren taldea datorrenari begira jarri da dagoeneko. Eta datorrena bada, Martutene KE da eta multzoko lehen postua eskuratzeko lehia bizian beste hiru puntu batu nahi dira bai edo bai. Bikainki egokitu da geure talde gaztea mailak eskatzen dituen aspektu ezberdinetara eta lehen fase honetako lehen itzulia lehenengo postuan amaitu ahal izatea, sari bikaina da geure taldearentzat. Aupa zuek.
Partida igandean, arratseko 17:45 tan Martutenen.
OHOREZKO KADETEA
Asteburuko lehen norgehiagoka geure ohorezko mailako kadete taldeak jokatuko du Berion. Partida goiztiarra beraz eta dinamika ona berriro hartzeko aukera berri bat beraz Cotiren taldearentzat. Aurreko partidan ez genuen punturik batu Intxaurdi KEaren aurkakoan baina ordea, bigarren postua mantentzea posible izan da. Beraz aurrera begira jarri da taldea eta konbentzimendu eta konfiantza osoz arituko dira ziur Urnieta KE aren aurkakoan. Berriro garaipena baietz eskuratu neskak.
Partida larunbatean, goizeko 09:00 tan Berion.
OHOREZKO INFANTILA
Txapelketarako fase handi honetako estreinuko partida La Sallen igandean geure neskek jokatuko dutena. Oso fase exijentea izango dela argi eta garbi dago, baita geure jokalari gazteak maila ona emango dutena ere jakina da. Ilusio handiz eta gogotsu daude jokalariak eta fase berri honetako lehen partida ziur mimo handiz prestatu dutela. Bertan talde bikainak daude eta lehiakorrak izan beharko gara dudarik gabe. Lehen geltokia, Goierri – Gorrirekin. Ondo hasi neskak.
Partida igandean, goizeko 10:00 tan La Sallen.
