ERREGIONALEN OHOREZKO MAILA
Emakumezkoen ataleko lehen taldeak atseden aste batzuk igaro ondoren, berriro ere lan saioetara itzuli eta konturatzerako hemen dugu berriro ere liga txapelketa. Gogoratu behar dugu oporren aurreko azken lehian 1-1 berdindu genuela Zumaiako Aita Mari futbol zelaian eta benetan oso 2023 urte ona egiten ari dela taldea, goranzko joera oso nabarmenarekin. Horrela jarraitu nahi dute bada eta begiz jota dugu sailkapeneko seigarren postua. Bertara geure hautagaitza aurkeztuko larunbata azkeneko orduan jokatuko den neurketan irabazi beharra dugu, Mariño CD aurkari izanen dugularik. Irundarrak denboraldi ona egiten ari da oso, hirugarren postu bikainean daudelarik.
Partida larunbatean 19:30 tan Berio futbol zelaian.
GORENGOEN MAILA
Bigarren taldea ere berriro ere martxan da eta maila honetako igoera faseko 7. Jardunaldia jokatuko du Oiartzunen larunbatean. Hauek ere urte bikaina egiten ari dira oso eta multzoko lehen postua dute begiz jota dagoeneko. Horretarako garaipena ezinbestekoa dugu ongi ezagutzen dugun aurkari baten kontra lehiatuko dugularik. Lehen fasean bi partidak berdindu genituen eta fase honetako joanekoan 3-0 markagailua izan zen geure taldearen alde. Beraz emozioz beteriko lehia espero da eta partida ona egin beharko dugu oso bertan.
Partida larunbatean 15:30 tan Oiartzungo Karla Lekuona anexoan.
KADETEEN OHOREZKO MAILA
Asteburu honetako zitarik garrantzitsuena ezbairik gabe Eibarreko Unbe Kirol Instalakuntzetan biziko dugu Antiguoko K.E. osatzen dugun familiak. Bertako partidan gailendu ala berdinduz gero, Ohorezko Kadete Mailako Gipuzkoako TXAPELDUNAk izango gara eta hori balentria handia da oso, dudarik gabe. Denboraldia izugarria izaten ari da eta kontuan hartuz maila honetan geure lehen urtea dela meritua ikaragarria izaten ari da. Baina lanak ongi amaitu behar dira eta helburu horrekin joango da taldea Eibarrera partida jokatzera. Armagina ez da noski aurkari erraza izango eta ez digu alfombrarik jarriko eta geure lorpena atzeratzea izanen du erronka. Begi bat Unbera begira izanen dugu larunbata arratsean, oso data gogoangarria izan daiteke eta geure klubarentzat. ZUEKIN GAUDE NESKAK, ANIMO HANDIENAK ZUEI.
Partida larunbatean 17:45tan Unbe Kirol Instalakuntzetan (goiko zelaia).
INFANTILEN OHOREZKO MAILA
Udaberri txapelketako bigarren jardunaldia jokatuko dugu Berion igande honetan. Gogora dezagun behin bi fase ofizialak amaituta futbol 11ko modalitatean jokatzen hasi zela geure taldea eta lehen partidan 1-1ko emaitza lortu genuela Zubipen. Beraz gogo askorekin daude berriro ere lehia ofizial jokatzeko eta horretarako aukera igandean izanen dute Berion. Taldeak dagoeneko eramaten diren lan saio ezberdinetan praktikara eramaten ditu modalitate honetarako egokitzapenak eta beraz ikaskuntza benetan probetsugarria izaten ari da.
Partida igandean 10:30 tan Berio futbol zelaian.
