ERREGIONALEN OHOREZKO MAILA
Emakumezkoen lehen taldeak erronka handia du larunbatean Berion. Real Sociedad SAD liderra izango dugu aurrean eta geure jokalariak dagoeneko prest dira talde txuri urdinari aurre egiteko. Partida bakarra galdu dute denboraldi osoan zehar eta horregatik badakigu ez dela batere erraza izango lehia. Ordea geure taldea oso momentu onean dator, azkeneko zortzi partida galdu barik gabiltza eta asteetan zehar egindako lan onaren bitartez garaipena lortzeko aukerak izango ditugula badakigu. Partida handia hau ere eta lerro hauetatik klubaren zaletuei dei egiten diegu Beriora hurbildu daitezen. Zuekin gaude neskak, aupa zuek.
Partida larunbatean 15:30 tan Berio futbol zelaian.
GORENGOEN MAILA
Elgoibarreko Mintxeta futbol zelaian jokatuko da igoera fase honetako laugarren jardunaldia. Azken aste hauetan aipatzen joan garenez multzoa oso pareko doa eta berdintasuna handia da. Geure taldea oso bizirik dago eta bere aurkariei abantaila ateratzeko abagunea probestu nahiko lukete asteburu honetatik bertatik. Aurkariak lehen postua du sailkapen nagusian eta berau mantentzen saiatuko da nola edo hala. Ez dugu beraz irteera erraza izanen, nahiz eta prest gauden bertatik hiru puntuak ateratzeko. Aupa zuek.
Partida larunbatean 18:15 tan Mintxeta futbol zelaian.
KADETEEN OHOREZKO MAILA
Lehen postua ziurtatu eta beraz liga txapelketaren azken txanpa honetan etxekolanak ongi egin nahi ditu Cotik zuzentzen duen taldeak. Fase ederra egiten ari gara, partidarik galdu gabe dugu taldea lidertza sendoan eta larunbateko aurkaria Añorga Kultur eta Kirol Elkartea da. Aurkari handia da dudarik gabe eta edozein partidatan maila oso handia erakuts dezakeen talde zementeroa beti da arriskutsua. Baina talde urdinaren helburua partidarik galdu gabe jarraitzea izanik eta txapeldunak izateari muzin egin nahi ez badiogu, horrelako aurkarien kontrako lehiak ere ondo lehiatu behar ditugu. Goi mailako partida Berion, beraz.
Partida larunbatean 10:40 tan Berio futbol zelaian.
INFANTILEN OHOREZKO MAILA
Azken jardunaldia jokatuko dugu asteburu honetan Infantil Ohorezko Mailan. Bigarren fase ona egin dugu eta taldearen hazkuntza eta hobekuntza handia izan dela ziurtatu dezakegu. Beraz, argi dago helburuak betetzen jarraitu behar dugula denboraldian zehar eta hurrengo futbol hamaikako fasea baino lehen etxekolanak egoki amaitzea komenigarria da. Aurkari Bergara KE talde mahoneroa izanen dugu, hauek ere denboraldi txukuna egin dutelarik. Lan ona, ekipo.
Partida larunbatean 12:30 tan La Salleko futbol zelaian.
