GAZTEEN MAILA NAZIONALA
Berriro ere bueltan da geure bigarren taldea eta egia esatearren, bolada eta maila bikainean datorren taldea da geurea. Liga txapelketako azken 7 partidetatik, bost garaipen eta bi berdinketa lortu ditu taldeak eta aste santuko egun hauetan ere Oviedo Cup txapelketa lehen postuan amaitu zuten alajaina. Atseden egun gutxi batzuk izanagatik, taldea gogo biziz dago berriro ere ligako jardunaldi berri bat jokatzeko. Gainera, maila handiko partida datorkigu larunbatean izan ere SD Beasain talde bagoneroa datorkigu bisitan. Goierritarrak denboraldi bikaina egiten ari da eta ia urte osoan zehar goiko postuetan mantentzen ari dira. Beraz eta partida oso lehiatua izanen da hau, oporren ostean indartsu hasi beharko dugularik hiru puntuak eskuratu nahi baditugu, behintzat.
Partida larunbatean 12:00 tan Berio futbol zelaian.
GAZTEEN EUSKAL LIGA
Hauek ere bolada onean daude liga txapelketako azken txanpa honetan. Azken hiru partidetan garaipena eskuratu eta gero ez dute irteera erraza Piturenek, Iparralde futbol zelaia bisitatuko baitute igande arratsaldez. Indautxu SD taldea beheko postuetatik ihes egin nahiean dabil eta azken bi partidak irabaziak ditu eta beraz jaitsiera zonatik at dago momentu hauetan. Dudarik gabe bi taldeek jarraipena eman nahiko diote azken asteetan lortu dituzten emaitzei eta beraz partida irekia eta ausarta espero dugu Bilbon. Geure taldeak ahalik eta gorenen amaitu nahi du sailkapenean eta gainera euskal kopa jokatzeko txartela eskuratzeko erronkak bertan darrai.
Partida igandean 18:30 tan Bilboko Iparralde futbol zelaian.
KADETEEN EUSKAL LIGA
Eibarren partida handia eginik eman zion amaiera oporren aurreko jardunaldiari Ikerren taldeak. Bikaina izan zen eginiko norgehiagoka Unben eta taldeak erakutsi zuen oso ongi lehiatzen dakiela edozein aurkari eta edozein zelaietan. Beraz eta hauek ere Oviedoko egonaldiaren ostean, berriro ere liga txapelketari ekingo diote bigarren faseko itzuliko bigarren partida jokatuz. Deportivo Alavés SAD talde babazorroa izanen da bisitan larunbatean Berion eta joaneko partidan garaile atera ziren 3-2ko emaitzarekin. Konfiantzaz beterik eginen diote aurre norgehiagokari geureek eta partida ona izango delakoan gaude.
Partida larunbatean 10:30 tan Berio futbol zelaian.
