GAZTEEN LIGA NAZIONALA
Bigarren taldeak berdinketa lortu zuen pasa den astean Berion jokatutako neurketan eta laugarrenez jarraian lortu zen punturen bat. Oraingoan erronka handia da oso, izan ere, 59 puntu dituen SD Leioari egingo zaio bisita igande goizez. Liderrak dira orain dela aste askotxotik eta igoerara ziztu bizian gerturatzen hasiak dira aurreko jardunaldietatik onaino. Gu momentu onean gaude eta argi dugu ez dela batere aste txarra horrelako partida bati aurre egiteko. Gazteak izanagatik, jakin badakigu ondo lehiatzen eta beste behin ere hori erakusteko aukera izanen dugu. Gozatu mutilak, maila oso altuko norgehiagoka izango da eta.
Partida igandean 11:00 tan Sarrienako futbol instalakuntzetan.
GAZTEEN EUSKAL LIGA
Hauek aurreko astean jokatu zuten nagusiek jokatzen duten Sarriena futbol instalakuntzetan zegokion jardunaldiko partida. Taldea emaitzen aldetik ez dago bere onenean eta bide hau aldatzeko etxean jokatzen dugu hurrengo partida. Betoño CD ez da aurkari batere erraza, oso talde indartsua da, zer egin behar duen eta baita zer egin behar ez duena ere oso garbi edukitzen duena eta horren lekuko sailkapenak dioena da. 44 puntu dituzte gasteiztarrek eta oraintsu igoera postuetatik bi partidetara daude eta beraz garaipen gosez eta beharrez etorriko dira. Geure taldea ere ez da gutxiago izango ziur eta lehia estua espero da. Oraingoan lortuko dugu.
Partida larunbatean 15:30 tan Berio Futbol Zelaian.
KADETE EUSKAL LIGA
Merezi duen eta benetan erakargarria den partida horietako bat biziko dugu larunbatean Berion geure lehen talde kadetearekin. Gasteizera aurreko astean eginiko bisitak utzi zigun zapore garratza kendu nahi dugu ahotik eta horretarako partida polita dugu oso aurretik, Amara auzoko kluba den CD Vasconiaren kontra jokatuko duguna. Haiek oraingoan sailkapenean aurrean izanagatik partida hauek oso parekatuak izan ohi dira eta beraz aukera bikain hau probestu nahi genuke zaila egiten ari den bigarren fase honetan. Lehia bikaina espero dugu eta ikusteko modukoa izango da.
Partida larunbatean 12:15 tan Berio futbol zelaiean.
KADETEEN OHOREZKO MAILA
Goiztiarrak izanen dira oso Gorka Andresen mutilak jardunaldi honetan. Aurrekoan puntu bat urratzeko aukera izanagatik taldeak gehiago nahi du eta larunbateko lehen orduan Oiartzun herriko Karla Lekuona zelaia bisitatuko dugu. Hauek ez dira errazak izan inoiz ondotxo dakigunez eta berriro ere geure onena eman beharko dugu zelai zail batetik puntuak eramateko. Hirugarren postua dugu sailkapenean eta hurrengo helburua bigarrenean kokatzea izan beharko litzateke, baina horretarako mailarik gorenena eskatuko digu txapelketak beste behin ere. Horretara goaz bada.
Partida larunbatean 09:00 tan Karla Lekuona anexoan.
INFANTILEN OHOREZKO MAILA
Ohorezko Kadetea goiztiarra izango bada, zer esango dugu bada infantilen lehen taldearen inguruan. Ostiralez jokatuko dugu dagokigun neurketa, txapelketa faseko itzuliko lehen partida izango dena. Eta lekua benetan berezia eta bakarra da, Zizurkilen dagoen Elbarrena futbol zelaia bisitatuko baitugu. Danena KEak jasoko gaitu bere etxean eta han benetan indartsu ageri ohi da talde hori-urdina. Behetik gora datorren kluba da Danena eta benetan talde interesgarriak izan ohi ditu lehen adin hauetan eta horregatik ongi landu beharreko partida egin beharko dugu puntuak eskuratu eta sailkapeneko punta puntan jarraitzeko. Aukera ona taldea zuzenean jarraitzeko.
Partida ostiralean 18:45 tan Elbarrena futbol zelaian.
INFANTIL TXIKIA
Eneko Arnedorenek euren partida atzeratu dute, Orioko FT aurkakoa. Atseden hartzazue asteburuan mutilok.
ALEBINA
Estrukturako txikienak ere berriro ere bueltan datorzkigu asteburu honetan. Aurrean Lengokoak KE taldea izanen dugu errendimendu fase honetako bosgarren partidan. Puntuetatik haratago bilakaera ona izaten ari da oso taldea, bai lan saioetan eta baita jokatzen dira partida ezberdinetan ere eta beraz gustora ari gara eguneroko ikasketa horretan. Bada, beste aurrepausu bat eman nahi dugu ikaskuntzan datorren igandean ere. Aupa mutilak.
Partida igandean 11:00 tan Cesar Benito futbol zelaian.
