GOAZEN MUTILAK!
GAZTEEN NAZIONAL MAILA
Pablorenek bigarren porrota jarraian jaso zuten Unben eta ondorioz sailkapenean apurtxo bat jaitsi dira zortzigarren posturaino. Hala eta guztiz ere, taldearen egoera ona da eta eguneroko lanak berriro ziur asteburutako erronkak aurrera ateratzera eramango gaituela. Oraingoan aurkaria CD Getxo izango eta berriro ere aurrez goian egoteko talde baten aurkako norgehiagoka izango dela aurreratu dezakegu, zailtasunez betea. 8 gol besterik ez dituzte jaso bizkaitarrek eta hori egin ohi duten lan onaren sainale garbia da. Azkeneko partidan hutsean berdindu zuen Errealarean aurkakoan eta talde benetan gogorra da getxotarra. Eutsi goiari eta aurrera ekipo.
Partida larunbatean, arratseko 15:30 tan Berion.
GAZTEEN EUSKAL LIGA
Ez zuten ez zorte handiegirik izan geure hirugarren taldekoak aurreko larunbatean CD Ariznabarraren aurkakoan eta oraingoan ere ez dute irteera samurra. Oso berdindua eta lehiakorra dator aurtengoan ere gazteen euskal liga txapelketa eta bertan ematen diren egoera ezberdinetarako egokitzapena pazientzia puntu batekin hartu behar dugu. Taldea oso gaztea izanagatik, partida guztietan ematen du aurpegia eta ziur gaude edozein asteetan garaipena eskuratu eta berriro ere dinamika onean sartuko garela. Bitartean lanean jarraitzea besterik ez da geratzen eta azken emaitzei buelta emateko lehen aukera Aretxabaletan izango da, etxeko taldearen kontra. Baietz puntuak atera mutilak.
Partida larunbatean, arratseko 16:00 tan Ibarran.
KADETEEN EUSKAL LIGA
Merezitako atsedena izango du Iker Larrañagak zuzentzen duen taldeak, lehen fase honetako estreinuko itzulia bigarren postuan amaitu dutelarik, 18 puntu eskuratuta. Atseden hartzazue bada, mutilak.
OHOREZKO KADETEA
Zubietan garaipen handia lortu eta gero, Ohorezko Kadeteko lehenengo multzoko lidertzan kokatu gara dagoeneko eta horri eustea dute helburu Gorka Andresen mutilek larunbatean. Aurreko asteetan aipatzen genuen taldea benetan maila onean ari zela eta pasa den larunbatean horrelako jokaleku batean ziurtatu zuen zer nolako gauzetarako gai den. Baina honek aurrera darrai eta lidertza sendotu nahi badugu ezin gara deskuidatu eta aste honetan Trintxerpe KEaren aurka neurtuko ditugu indarrak. Jarrai ezazue horrela.
Partida larunbatean, eguerdiko 12:10 tan Berion.
OHOREZKO INFANTILA
Lehen fase honetako bigarren itzuliko bigarren partida jokatuko dute geure bigarren urte infantileko jokalariek. Lehena benetan ona izan da eta bide horretatik jarraitu nahi dute Uritzenak. 21 puntu ez da ahuntzaren gauerdiko eztula alajaina eta taldea garapen bilakaera on batean murgilduta dago arlo guztietan. Arrupe – Chaminade taldea izango du bisitari Berion eta berriro partida on bat jokatzea izango dute helburu.
Partida larunbatean, goizeko 10:40 tan Berion.
INFANTIL TXIKIA
Sailkapen faseari bikain ekin ondoren bigarren jardunaldia izango da jokoan Andoainen. Taldea beraz lehen postuan dugu dagoeneko multzoa eta astez aste egindako lanaren ondorioz berau mantentzea izango da helburua fase berri honetan. Honetarako SD Euskalduna gainditu beharko dute asteburu honetan, erraza izan ohi ez den zelai batean. Ea bada estreinuko jardunaldiko partida biribilari jarraipena ematerik diogun larunbatean.
Partida larunbatean, goizeko 11:00 tan Ubitarten.
ALEBINA
Sergiorenak ere aurretiko fase eder bat eramaten ari dira aurrera, jokatutako bi partidetan garaipena eskuratu ondoren, igandean hirugarrena jokatuko dutelarik. Oraingoan Trintxerpe KE izango da aurkaria eta partida haien zelaian jokatuko da. Aurkariek ziur haien puntu – kutxatilategia estreinatuko nahi izango dutela eta beraz, erne eta esna joan beharko dugu lehen orduan jokatuko den partidara.
Partida igandean, goizeko 09:30 tan Trintxerren.
