GAZTEEN MAILA NAZIONALA
Gazteen maila nazionaleko taldeak mina egiten duten porrot horietako bat jasan zuen aurreko jardunaldian jokatu zen partida. SD Beasain talde bagoneroaren aurka partida serio bat eginagatik, markagailu gogorra izan genuen aurka. Horrexegatik eta pasatako astean igarotakoa ahaztu esperantzan beste neurketa gogor bat izanen dugu Durangon, bertako Kulturalaren kontra jokatuko baitugu liga txapelketako 29. Jardunaldian. Bizkaitarrak ere goiko postuetarako borroko eta lehia bizian daude eta Zubietan 0-2 irabazi zuten aurreko igandean, alajaina. Partida benetan zaila baina lehiatzeko prest gara.
Partida larunbatean 16:00 tan Durangoko Tabira futbol zelaian.
GAZTEEN EUSKAL LIGA
Indautxuko Iparralde futbol zelaian kontuak ez ziren guk nahi bezala atera eta taldea hurrengo partidari begira dugu ezbairik gabe. 30. Jardunaldia jokatuko da Gazteen euskal Ligan eta aurkaria Beti Gazte KJKE lesakarra izanen dugu. Nafarrak azken postuan daude eta aldapa gora egin zaie aurtengo denboraldia. Ordea eta dudarik gabe, denboraldia ahalik eta txukunen amaitu nahi izanen dute eta gauzak ongi egitera aterako dira Berioko berdegunera. Beraz badu lana eta egitekoa geure hirugarren taldeak, sailkapena lehen zortzi postuetan amaitu nahi badu.
Partida larunbatean 15:30 tan Berio futbol zelaian.
KADETEEN EUSKAL LIGA
Partida bikaina jokatzeke duena geure Kadete mailako Euskal Ligako taldeak. Errealari bisita eginen diote haien Zubietako Kirol Instalakuntzetan. Talde txuri urdina bigarren postua eskuratzeko lehian dago eta horretarako ezin du hutsik egin larunbata eguerdian jokatuko den neurketan. Geureak momento onean daudela esan dezakegu nahiz eta aurrekoan talde babazorroaren kontrakoan ezin izan genuen punturik lortu, inpresioak ez ziren makalak izan. Beraz, oso gogotsu daude jokalariak partida ederra jokatu eta geure lehiakortasuna honelako eszenatoki handi batean zenbaterainokoa den erakusteko.
Partida larunbatean 13:15 tan Zubietako Kirol Instalakuntzetan (Z4 Zelaia).
KADETEEN OHOREZKO MAILA
Txapelketa berriro ere martxan da geure lehen urteko taldearentzat eta Oviedon igarotako egun bikainak atzean utzita, larunbateko partidako gogo biziz ditugu jokalariok. Jokatzeko oso gustagarria den partida horietakoa dugu Berion, Beti Ona KE talde errenteriarren aurkakoa. Gorriak aurten ere denboraldi gogoangarria egiten ari dira eta sailkapenean bosgarren merituzko postuan kokatuta dira. Geure taldeak baina puntu bat gutxiago du eta beraz haientzat ere aukera ona da garaipena eskuratu eta postu bat igotzeko. Urdinak konfiantzaz beterik ditugu eta partida polita bezain lehiatua espero da.
Partida larunbatean 12:00 tan Berio futbol zelaian.
INFANTILEN OHOREZKO MAILA
Ohorezko Infantil taldeak ere konpromezu bikaina du igandean jokatuko den partida handian. Lehen eta bigarren sailkatuak aurrez aurre jokatuko dute Berion eta benetan lehia oso estua espero da bertan. Aurkaria Kostkas KE Egia auzoko taldea izanen da eta hauen denboraldia ere ona izaten ari da oso. Bi taldeek ongi ezagutzen dute elkar, lehen fasean ere elkarren aurka jokatu baitzuten eta bertan urdin ilunek bat irabazi eta bestea berdintzea lortu zuten. Bigarren fase honetako lehen itzulian jokatutako partidan ordea talde urdinak 1-5ko emaitza lortu zuen Matigoxotegi futbol zelaiean jokatatuko neurketan. Beraz eta argi ikusten den bezala parekotasuna handia izaten ari denboraldi osoan zehar eta Uritzenek salto handia eman nahi dute sailkapenean igandeko partidan gailenduta.
Partida igandean 12:00 tan Berio futbol zelaian.
INFANTIL TXIKIA
Infantil txikiak ere partida zaila izanen du Goierri aldean. SD Beasaini bisita eginen diogu larunbata eguardian jokatuko den partida zirraragarrian eta ez da ez erraza izango handik hiru puntuak ekartzea. Vagoneroek, 6 puntu izanagatik, ez dizkiote batere errazak jartzen kontuak aurkariei eta beraz, gogor egin beharko dugu lan Igartzan. Geure taldea lidertzan ageri da sailkapenean baina Lazkaotarrak bertan oso gainean ditugularik. Egia esatearren, bikaina izaten ari da txapeldunen fase hau eta ikaskuntza esparru guztietan oso handia izaten ari da.
Partida larunbatean 13:30 tan Beasaingo Igartza futbol zelaian.
