GAZTEEN NAZIONAL MAILA
Durangaldean jarraian bigarren porrota jasota eta eskuhutsik etxera itzulita, ez dago partida bereziagorik berriro ere ilusioa ikur eta lehiakortasuna bandera izanik garaipena eskuratzeko. Erreala izanen dugu bisitan Berion eta talde txuri urdinak denboraldi ona egin duela argia da, ia urte osoa goiko pustuetan egon baita. Ordea, oso oso partida interesgarria eta lehiatua espero dugu Berion eta taldea prest da horrelako aurkari baten aurrean garaipena eskuratzeko. Izan ere, denboraldian zeharreko partidetan erakutsi du hori, bada. Bultzako zaituztegu garaipenera, aupa zuek.
Partida larunbatean 17:30 tan Berio futbol zelaian.
GAZTEEN EUSKAL LIGA
Hirugarren taldeak ez du batere irteera batere erraza asteburu honetan ere. Aurreko jardunaldian lesakarren aurkako norgehiagokan garaipena eskuratu ondotik, oraingoan ere beharretan dagoen talde bati eginen dio bisita igande arratsaldean. Loiun kokatzen den Urdaneta bizkaitarrari bisita eginen diote eta oraindik ere ez du salbazioa guztiz itxita talde bizkaitarrak, nahiz eta hau bideratuta duen. Beraz eta partidaren lehen minututik asko eskatu eta exijituko dugun partida espero dugu. Igande arrats on, ekipo.
Partida igandean 17:00 tan Loiuko Urdaneta futbol zelaian.
KADETEEN EUSKAL LIGA
Zubietan punturik urratu ezin izan genuelarik, Ikerren taldeak dagoeneko eta gezurra badirudi ere liga txapelketari dagokion azken neurketa jokatuko du etxean eta helburua Euskal Kopa kadeterako txartela eskuratzea izanik, partida garrantzitsua jokatuko dute. Arerio ez da batere erraza eta igo berria izanagatik, txapeldunen fasera sailkatu eta partida onak lehiatu ditu Gasteizko Abetxuko A.D.C taldeak. Beraz eta txapelketa horretarako sailkapena eskuratu nahi badugu, etxekolanak egin beharko ditugu larunbatean. Eutsi horri, ekipo.
Partida larunbatean 12:10 tan Berio futbol zelaian.
KADETEEN OHOREZKO MAILA
Partida handia jokatu ondoren, oraingoan ere zita benetan gogorra izanen dute geure lehen kadete taldeko jokalariak. Irunera eginen dute bisita eta aurreko astean lortutako garaipenarekin sailkapeneko laugarren postura salto eman ondoren, beste aurrerapauso eman nahi dute igandean Real Unioni irabazita. Irundarrak beraz, soilik hiru puntutara dauzkagu baina zinez badakigi partida handia egin beharko dugula berriz hiru puntuak eskuratu nahi baditugu. Animo eta desira onenak zuei ere.
Partida igandean 12:00 tan Gal instalkuntzeko zelai anexoan.
INFANTILEN OHOREZKO MAILA
Hauek ordea multzoko lidertza mantendu nahi dute hemendik hasita eta denboraldia amaitu bitartean eta bada, aurreko jardunaldian eskuratutako garaipen bikaina eta gero Martutene K.E. aro eginen diogu bisita larunbatean. Bigarren fase hau amaitzeko hiru partida besterik ez da falta eta lehen postua ziurtatu nahi dugu lehenbailen eta talde on baten aurka jokatuko dugun partida ez errazean. Baina multzoko txapeldun bilakatu nahi badugu, garaipenak geurea izan behar du. Ziur lortuko dugula.
Partida larunbatean 12:15 tan Martutene futbol zelaian.
INFANTIL TXIKIA
Eneko Arnedoren gaztetxoek ere estu dute sailkapena oso, eta horrek egiten ari garen lanaren meritua besterik ez du erakusten. Oso interesgarria eta ona izaten ari da hauen denboraldia eta joan den astean Beasainen, kostata bada ere, garaipena eskuratu ondoren lidertzan jarraitzen du taldeak. Larunbatean Real Unión izango dugu aurrean Berion eta hiru puntuak lortzen saiatuko gara partidaren lehen momentutik. Hirugarren eta azken fase zirraragarria izaten ari da oso talde urdinarentzat. Gozatzen eta ikasten jarrai ezazue.
Partida larunbatean 10.40 tan Berio futbol zelaian.
