GAZTEEN LIGA NAZIONALA
Azken jardunaldietan taldeak txapelketan duen jarduna bikaina izaten ari da eta aste santuko atsedena baino lehen beste garaipen bat eskuratu nahi du lurralde bizkaitarrean. Larunbatean CD Getxori eginen diogu bisita eta partida estua izango dela aurreikusten da, gu baino puntu bat gutxiago duen taldea baita. Beraz eta aste guzti hauetako lana borobildu nahiko lukete Pabloren mutilek, inpresio eta zapore ederra izango lukeen garaipena dastatuz. Bada, liga amaiera hurbiltzen ari den heinean, izan ere beste sei jardunaldi faltako lirateke, taldeak ahalik eta gorenen amaitu nahi du sailkapenean. Denboraldi ona egiten ari gara, dudarik gabe.
Partida larunbatean 16:00 tan Getxon, Bolue futbol zelaian.
GAZTEEN EUSKAL LIGA
Ona baita ere Gazteen Euskal Ligako taldeak egin duen lana aurtengoan. Ziurrenik mailako talde gazteena dugularik zortzigarren postuan kokatzen gara sailkapenean eta horri bere balioa aitortu beharrean gaude. Azken bi jardunaldietan lortutako garaipenekin taldea konfiantzaz beterik dago, izan ere partida hauek ez ziren inondik inola aurkari errazen aurkako lehiak izan. Beraz eta atsedenaren aurretik partida oso gogorra dugu aurrean, UDA – Aretxabaleta KE debagoienatarrak datozte Beriora igoerarako aukera guztiak zabalik dituztelarik. Oso talde zaila da atxabaltarra eta interesgarria izanen da ziur espero den norgehiagoka. Oso ongi lehiatu beharko dugu mutilak.
Partida larunbatean 15:30 tan Berio futbol zelaian.
KADETEEN OHOREZKO MAILA
Ohorezko Kadeteak ere atseden hartu aurretik duen partida jokatuko du larunbatean bertan. Lehia Trintxerreko futbol zelaiean izanen da eta etxeko taldea sailkapenean beheran egonagatik, aurkari benetan arriskutsua izan daitekeela badakigu joaneko partidan baieztatu genuen bezala. Horrela bada, taldeak hilabete hauetako lanari amaiera emango dio egun hauen ostean berriro ere pilak kargatuta itzuli eta denboraldiari amaiera ona emateko asmoz. Partida zaila baina benetan interesgarria jardunaldi honetan duguna. Aupa ekipo.
Partida larunbatean 12:00 tan Trintxerreko futbol zelaian.
INFANTILEN OHOREZKO MAILA
Partida handia geure Ohorezko Infantilek daukatena larunbata arratsean. Zubietan dugu norgehiagoka eta urrezko hiru puntu lortu nahi dira sailkapeneko lehen postuan jarraitzeko. Gainera bigarren sailkatua partida bakar batera aurkitzen da eta beraz ez dugu inondik inora erlaxatzeko aukerarik. Ordea, orain arte egindako lanarekin konfiantza osoa dugu maila onean jarraituko dugula denboraldia amaitu arte eta beraz gogotsu gaude Errealaren aurkako lehia honetarako. Klubetik ere bultzako zaituztegu, mutilak.
Partida larunbatean 17:00 tan Zubietako Kirol Instalakuntzetan.
INFANTIL TXIKIA
Eneko Arnedoren taldeak ere partida du asteburu honetan Urola KE talde zumarragarraren aurka. Geureak maila honetan ere sailkapeneko lehenengo postuan dugu taldea eta horrela jarraitu nahi da aste santua baino lehen ere. Beraz eta partida ona egin beharko dugu beste astebetez, izan ere multzoak eta txapelketak asko exigitzen digu zentzu guztietan eta. Bada, neurketa ondo landu dugu eta prest gara beste hiru lortzeko larunbatean bertan.
Partida larunbatean 12:00 tan Berio futbol zelaian.
