BERGARA KE 1 – 4 ERREGIONALEN OHOREZKO MAILA
Ipintzan jokatutako neurketan talde mahoneroa garaitu genuen nahiko emaitz argiarekin. Igande arratsean jokatu zen norgehiagoka eta lehen minututik azkeneraino taldea nagusi izan zela esan dezakegu. Ainhoak hiru aldiz zulatu zuen haien atea eta beste gola Hatrak lortu zuen eta garaipen honekin sailkapeneko zazpigarren postuan egonkortu gara. Datorren astean pausu bat emateko aukera dugu, izan ere seigarren postuan dauden Leintz – Arizmendi taldea hartuko baitugu Berion.
KADETEEN OHOREZKO MAILA 1 – 0 TOLOSA CF
Lehenik eta behin tolosarrek eginiko txapeldunari pasiloa eskertu nahi dugu bihotzez, detaile polita izan baitzen oso, mila mila esker beraz. Omenaldi xume baina dotore onen ostean partida estua ikusteko parada edota aukera izan genuen Berion. Yarzak lortutako golak garaipena eman zion geure taldeari eta argi eta garbi utzi zuten liga txapelketa irabazi izanagatik, garaipen gosez jarraitzen dutela geure jokalariek. Bejondaizuela, bada.
INFANTILEN OHOREZKO MAILA 0 – 1 AÑORGA KKE
Oso interesgarria larunbata goizean ikusi genuen partida. Aurrean, liga txapelketan lehen postua lortu duen talde zementeroa genuen eta egia esatearren bi taldeek erakutsi zuten maila oso oso altua izan zen. Futbol 11 modalitate berri honetarako egokitzapen partida zinez bikaina izan zen eta beraz ikaskuntza horretan murgildurik jarraitzen dugu etengabe. Oraindik ere beste bi partidu geratzen dira eta beraz disfruta dezagun.
