Oraingo honetan Gari Argoterekin, Jubenil C taldeko entrenatzailearekin, egon gara solasean. Oiartzuarra itxaropentsu eta gogotsu dago lehiaketa ofiziala hasteko egun gutxi falta diren honetan. Ondoren, besteak beste, lehen jardunaldirako taldearen egoerari buruz eta aurkariaren, Hondarribiaren, aurrean dituen itxaropenei buruz hitz egingo digu.
Zer balorazio egiten duzu denboraldiaurreaz?
Denboraldiaurre ona osatu dugu oro har. Bi zatitan banatuko nuke. Lehen asteetan, jokalari gutxiago izan ditugu, eta jarrera oso ona izan arren, jarraikortasun pittin bat falta izan zaigu. Ondoren, ordea, taldea osatu denean eta harekin lan egiten astean, jokamoldea fintzen joateko aste oso aberasgarriak izan dira. Partida asko jokatuz eta entrenamenduekin, mutilek jarrera bikaina eta konpromezu maila handia erakutsi dute.
Nola iritsiko da taldea lehen jardunaldi honetara?
Agian eskertuko genuke asteren bat gehiago izatea jokalari guztiekin, baina puntu onean iristen gara, erritmo maila egokiarekin eta gogo handiarekin, txapelketak bere horretan guztiok motibatzen gaituelako. Nik uste dut taldea aurpegia emateko gai izango dela.
Zer espero duzu aurkariarengandik, Hondarribirengandik?
Hondarribia talde gogor bat izango da. Kategoriako talde asko bezala, asko 2. eta 3. urtekoak izaki lehiatuko du seguruenik, eta bere jubeniletako maila altuena duen taldea da. Herriko talde bat izango dugu aurrean, belar naturalean asko exijituko digun partidoa ikusi ahal izango dugu, eta ia ziur, bi jokamolde desberdin. Era horretan, espero dugu gure jokoaren bitartez lehia dominatzea.
Antiguokoren komunitatearentzako mezu bat.
Azkenean hirugarren taldea izanda, jende gaztearekin, saiatu egingo gara formakuntza prozesuan sakontzen eta ahal den futbol politena egiten, baina era berean badakigu taldeak lehiatzen jakin behar duela. Hala, espero dugu jendea ahalik eta gustoren etortzea Beriora, eta kanpora ere ikustera etorri nahi duenak badaki atea zabalik dituela taldeari babes handiena emateko helburuarekin.
