Donosti egunaren aurreko egunetako partidak begibistan eta, beraz, ez dugu ospatzeko modu hoberik aho zapore atseginarekin utziko gaituzten topaketa handiak egitea baino.
Cultural Durango – Jubenil Nazionala
Julenen taldeak Durangoko Kulturalaren aurka neurtuko ditu indarrak bigarren itzuliko lehen jardunaldiko partidan. Helburu desberdinak dituzten bi talde, orain arte ligan erakutsi dituzten aurkako ibilbideak direla eta. Hala ere, gureek badakite exijentziarik handieneko norgehiagoka dela, bertakoak oso ederki lehiatzen baitira etxean. Espero dezagun lehen itzuli zoragarria errepikatzea. Lehenik, bigarrena ondo hasi.
Partida larunbatean 13:00etan Tabira futbol zelaian (Durango).
Euskal Jubenila – Hondarribia
Gariren taldeak ere bigarren itzulia hasiko du, eta Hondarribiaren aurka jokatuko du Berion. Kanpoko taldeak denboraldi gorabeheratsua darama emaitzei dagokienez, eta beheko postuetatik ihes egiteko puntuak lortzeko premiarekin zelairatuko da. Gureak, berriz, elkarren segidako bi porroteko bolada bati amaiera ematen saiatuko dira, eta horretarako ez dago gure Berio maitea baino eszenatoki hoberik Donosti egunaren bezperan.
Partida igandean 15:50ean Berioko instalazioetan.
Tolosa – Euskal Kadetea
Lehen itzuliko azken partida Mikelen taldearentzat, sentsazio onekin amaitzeko garrantzitsua den partida batean. Taldea ez da lortzen ari egindako merituak puntutan itzultzea, baina badakite denbora kontua dela lanerako dinamika hain positibo horrekin. Tolosak, bere aldetik, azken 6 partidetan 5 garaipen eta berdinketa 1 lortu ditu etxean eta, beraz, exijentzia handia izango da berdegunean.
Partida larunbatean 16:15ean Usabal futbol zelaian (Tolosa).
Ohorezko Kadetea – Elgoibar
Munduko ilusio handienarekin ekingo dio Iraolak zuzentzen duen lehen urteko Kadeteak. izan ere, lehen faseko sailkapenik onenekin lehiatuko da datorren liga zirraragarrian. Gainditu beharreko lehen aurkaria Elgoibar izango da, lehen itzuli bikaina egin duen taldea. Zailtasun handiena, baina esfortzuarekin, konpromisoarekin eta batasunarekin gauza handiak zain izango ditugu. Aupa mutilak.
Partidua larunbatean 12:00etan Berioko instalazioetan.
Infantil Handi – San Martzial
Larunbat goizean San Martzial taldearen aurka jokatuko du Uritzen taldeak. Pasaian garaipen estua lortu ondoren, talde urdina gogotsu dago emaitza bolada positibo honetan jarraitzeko. Horretarako, talde irundarra gainditu beharko du, zinez gogotsu iritsiko dena iragan jardunaldian Mariñori 1-0 irabazi ondoren derbian.
Partidua larunbatean 10:30etan Berioko instalazioetan.
Eibar – Infantil Txiki
Beldaren taldeak Eibarren jokatuko du txapeldunen fase honetako zazpigarren jardunaldia. Penaz emaitzagatik eta harrotasunez egindakoagatik Realaren aurka jokatutako partidari dagokionez, taldeak ilusioz eta baikortasunez aurre egingo dio datorren partida zail honi, talde armagina oraingoz etxean tratatu ezin delako, partida guztiak irabazi dituelarik.
Partidua igandean 15:30etan Unbeko instalazioetan (Eibar).
