Gizonezkoen lehen taldeak Gazteen Ohorezko Mailako 2024/2025 denboraldiko azken txanpari aurre egingo dio moral handiarekin eta igande honetan, 12:45ean, posizioak igotzen jarraitzeko asmoarekin. Zazpi partida aurretik direla, Gazpiok zuzentzen duen taldeak garaipen handia lortu zuen San Juanen aurka eta Gobelan bere goranzko ibilbidea berrestea izango du helburu.
Aurrean Arenas izango du, Txantreari 0-2 irabazi eta Osasunaren aurka 3-4 galdu ondoren ailegatzen den taldea. Oldarkorra eta bertikala izanik, bere feudoan indarra hartzen saiatuko da, bere interesentzat oso garrantzitsuak diren hiru puntu eskuratzeko.
Joaneko partidan, Berion, markagailuak 1-1ekoa erakutsi zuen, Markel Urangak in extremis sartutako golarekin. Orain, taldeak funtsezko hiru puntu lortzen saiatuko da, gora begira jarraitzeko. Taldea ziurtasun osoz eta konfiantzaz gainezka dago garaipena lortzeko. Aurrera mutilak.
