Gure emakumezkoen egituraren oinarri-taldeen emaitzak eta kronikak bi garaipenekin eta beste hainbeste porrotekin, asteburu interesgarri honek eman duena laburbiltzen dutenak.
KADETE OHOREZKO MAILA 2 – 0 ZARAUTZ K.E.
Lehen fase honetako azken-aurreko jardunaldian hiru puntu oso baliotsu lortu zituen Gurruren taldeak, txapelketako faserako sailkapena lortuz. Taldea indartsu atera zen partidara eta korner batean aurrea hartu ahal izan genuen markagailuan aurkariak bere atean sartutako golari esker. Taldeak bide onean jarraitu zuen eta nagusi izanda bigarren golaren bila jo zuen. Gauza bera bigarren zatian eta taldeko jokaldi on batean bigarren gola sartu ahal izan zen. Puntu benetan garrantzitsuak eta lortutako sailkapena ere ospatzekoa. Bejondaizuela.
LEHEN KADETEA 0 – 2 AÑORGA K.K.E.
La Sallen jokatutako partida parekatua izan zen eta zementerak agian urdinak baino zertxobait gehiago izan ziren partidaren bilakaeran. Oso gol aukera gutxi lehen zatian eta, egia esan, argiago iristen ziren bisitariak. 0-0 eta aldageletarako bidea egin genuen. Bigarren zatian, Añorga K.K.E -k penaltia izan zuen alde, baina ez zuen gola egiterik izan. Ondoren eta hogei minuturen faltan, bisitariek aurrea hartu zuten markagailuan, nahiko zorte txarreko jokaldia batean, geureak irrist eginez eta amaiera baina lehen bigarren gola eginez. Partida ez zen gaizki egon eta aurrera egin behar dugu.
C.D. HERNANI 0 – 2 INFANTILA F-11
Txapelketa faseko lehen jardunaldia jokatu genuen Zubipen eta partida ona egin genuela esan behar dugu. Fase berri honetan jokoan zeuden hiru puntuak eskuratu genituen. Partidaren kontrola izan genuen, aurkariak lan defentsibo ona egin ostean lehenengo zatian, bigarrenean etorri ziren geure golak. Nora eta Ane izan ziren golen protagonistak baina talde orokorrean partida bikaina egin zuela azpimarratu behar dugu. Gol gehiago sartzeko aukerak izan genituen baina markagailua horrela geratu zen. Hau da bidea, segi dezagun lanean.
INTXAURDI K.E. 1 – 0 INFANTILA F-8
Ezin izan genuen Intxaurdi K.E. garaitu lehen fase honetako azken jardunaldian eta horrela beraz taldeak hirugarren postuan amaitu du denboraldiko lehen zatia. Ez zen noski partida batere erraza izan baina taldeak hobera egin du astez asteko lan horretan eta dagoeneko prest dago hurrengo faseari ekiteko. Hau datorren astean hasiko dugu, eraketa asteartean bertan jakingo dugularik. Erne egongo gara beraz eta jarrai dezagun bidea egiten.
