Datorren igandean, arratsaldeko 17:30etan, emakumezkoen lehen taldeak Usabal zelaia bisitatuko du Tolosaren aurka duen norgehiagokaren aurre egiteko. Moral handiarekin helduko da Moralesek zuzentzen duen taldea, aurreko astean Hernaniren aurka landutako garaipenaren ostean, eta helburu argi batekin: batzen jarraitzea sailkapenaren gorenean mantentzeko.
Lidergoan egon arren, lehen postua lortzeko borroka inoiz baino estuagoa dago, hainbat talde zelatan baitaude. 50 punturekin eta 24 oraindik jokoan, partida bakoitza final bat da, eta Tolosaren aurkako norgehiagoka ez da salbuespena izango.
Tolosarrek, gaur egun hamargarren postuan 29 punturekin, etxean aurkari zaila dela erakutsi dute. Usabalen dituen zenbakiek hori berresten dute: bi partida baino ez ditu galdu etxeko talde gisa, eta azkena azaroan izan zen, duela lau hilabete. Datu horrek gure taldeak aurre egingo dion erronkaren zailtasuna indartzen du.
Beraz, aukera paregabea dago beste urrats bat emateko helburu handirantz, taularen buru izaten jarraitzeko eta ametsa bizirik mantentzeko. Sinestea, ahalik eta gehien lehiatzea eta zelaian dena ematea tokatzen da.
