Europa Ligako 2024/25 denboraldia modu zirraragarrian hasi da, eta Antiguoko taldeko hainbat jokalari ohik euren arrastoa utzi dute hasierako partidetan, Athletic Club eta Reala ordezkatuz. Urdin ohi asko lehen mailako lehiaketetan lehiatzen ikustea harrotasun handiko arrazoia da klubarentzat.
Athletic Cluben, Antiguoko jokalari ohien talde garrantzitsu batek Europako txapelketa jokatzeko zerrendan dago. Horien artean daude Oier Gastesi, Julen Agirrezabala, Yuri Berchiche, Gorka Guruzeta eta Ekain Azkune. Lehen jardunaldian, Erromako Estadio Olinpiko mitikoan, Athleticek 1-1 berdindu zuen talde italiarraren aurka. Partida horretan, hiru izan ziren protagonista: Yuri hegaleko atzelaria, Guruzeta aurrelaria eta Julen Agirrezabala atezaina 90 minutuetan aritu ziren, eta maila altua eskaini zuten.
Bestalde, Realak Antiguoko taldeko hainbat jokalari ohi ere baditu Europako txapelketarako, Jon Ander Olasagasti, Martin Zubimendi eta Ander Barrenetxea, hain zuzen ere. Europa Leagueko bere debutean, Realak Nizari egin zion bisita 1-1 bukatu zen partida batean. Zubimendi eta Barrenetxea titular izan ziren, eta azken hau nabarmendu egin zen gol ikusgarria sartu baitzuen bere taldea markagailuan 0-1ekoarekin abantailan jartzeko.
Antiguokorentzat albiste pozgarria da bere jokalari ohiak Europa Ligako maila handiko agertokietan talentua zabaltzen ikustea eta eliteko futbolari gisa hazten jarraitzea. Zorionak guztioi, gertutik jarraituko zaituztegu.
